ब्रेकिंग

व्यासपीठ

व्हॉट्सऍप कट्टा

Wrutuja pandharpure
14 Jun 2025

मृत्युने घातला | भयंकर घाला |

कुणी न वाचला | अपघाती ॥१॥

घालीत घिरट्या | मृत्यू उतरला |

काळच शिरला | प्राणामधी ॥२॥

भूमीवरचेही | मेले हकनाक |

यमाची ती हाक | जीवघेणी ॥३॥

तंत्रज्ञानाचे ते | सुटताच बोट |

जगण्याला खोट | मृत्युची ही ॥४॥

जरी आले वाटे| आभाळ मुठीत |

मृत्युच मिठीत | घेतो कधी ॥५॥

पाळताना किती| विज्ञान नियम |

प्रगटतो यम | चुकताच ॥६॥

कांत अपघाते| बसतो दणका |

मनाचा मणका | तुटतो गा ॥७॥

श्रीकांत उमरीकर (मो : ९४२२८७८५७५)

------

१९६० मध्ये

नवरा : एक कप चहा

बायको : आधीपासून चहा घेऊन उभी दिसेल

१९७० मध्ये

नवरा : एक कप चहा

बायको : आत्ता लगेच आणते

१९८० मध्ये

नवरा : एक कप चहा

बायको : आणते की

१९९० मध्ये

नवरा : एक कप चहा

बायको : आणते की, थोडा धीर नाही का?

२००० मध्ये

नवरा : एक कप चहा

बायको : आणते की, जरा सिरियल मध्ये ब्रेक तर येउ द्या.

२०१० मध्ये

नवरा : एक कप चहा

बायको : ओरडू नका, देते की, जास्त घाई असेल तर स्वतः बनवून घ्या आणि प्या.

आणि आत्ता २०२५ मध्ये

नवरा : एक कप चहा

बायको : काय म्हणालात?

नवरा : काही नाही, एक कप चहा बनवायला चाललो होतो, म्हंटलं तुला पण विचारावं, तू पण घेशील ना?

-------

सकारात्मकतेचे अनेक फायदे आहेत. मानसिक आरोग्यासाठी ती खूप महत्त्वाची आहे कारण यामुळे ताण आणि चिंता कमी होते. सकारात्मक विचार आपल्याला यशाची गुरुकिल्ली देतात, कारण ते आत्मविश्वास वाढवतात आणि आपल्याला आपली ध्येये साध्य करण्यास मदत करतात. आपल्या आरोग्यावरही याचा चांगला परिणाम होतो; सकारात्मक दृष्टिकोन रोगप्रतिकारक शक्ती वाढवतो. इतकेच नाही तर, सकारात्मक विचार इतरांनाही प्रेरणा देतात, ज्यामुळे समाजात सुधारणा होते.